Erretreta eta danborrada jotzearekin hasten da San Prudentzio jaia, danbor hotsen eta barraskilo eta perretxiko usainen artean. Arabako jaietako soinu banda berdina izan da beti, 1879tik. Geroago, Venancio del Valek letra jarriko zion, gaztelaniaz abesteko.
Euskarazko bertsioa, berriz, Olabide Ikastolako irakasle talde batek sortu zuen. Ikastolan jaia ospatu nahi zuten, eta horretarako euskaratu zuten letra; gero, gurasoen artean ere letra hori banatu zuten, eta erretreta egunean abestu zuten, Probintzia plazan: Tuntunarekin turuten doinua; gure zaindariaren eguna (berriz). Arabatarrok egun honetan, elkartzen gara alaitasunez, ospatutzeko Prudentzio jaia, gure patroi handia.