Lautada Landa Garapeneko Elkarteak eta Lautadako Kuadrillak, eskualdeko udalekin elkarlanean, VII. Lautada Eguna antolatu dute, Landa Garapenerako IV. Astearen barruan. Aurtengo edizioa, Erdoñanan izango da, igandean.
Eguna hasiera emateko, Erdoñana-Mezkia-Egilaz-Erdoñana ibilbidea egingo dute oinez; Egilazko horma-irudiak eta trikuharria ikusteko aukera izango da horretan. Jarraian, 11:00etan, Lautadako nekazarien produktuen eta artisauen azoka inauguratuko da; eta ordu erdi beranduago, eskualdeko abesbatzak elkartuko dira, herriko elizan. Eguerdi partean, Dulantziko Sukaldatuz Jolastu-rekin haurrentzako sukaldaritza tailerra eta Slow Food-ekin gustu laborategia izango dira, eta eguna ixteko, Iñaki Carreterorekin kriskitinak.
Horrez gain, Landa Garapeneko Astearen barruan, beste hiru jarduera egingo dituzte: astelehenerako, hilak 25, Azilun energia berriztagarriak sortzeko ereduen gaineko jardunaldia antolatu dute; asteazkenerako, hilak 27, Zalduondon, auzolanen ingurukoa; eta ostegunean, hilak 28, Hazi Fundazioaren lankidetzazko sukaldaritza kolektiboko ekintzailetza jardunaldia.